वार्ता गर्नुअघि संसद् विघटन भएको हुनु पर्छ: बालेन

काठमाडौं, भदौ २४ — काठमाडौं महानगरपालिकाका प्रमुख बालेन्द्र शाहले देशभर जारी जेनजी आन्दोलनप्रति समर्थन जनाउँदै संसद् विघटनको माग गरेका छन्। मंगलबार दिउँसो सामाजिक सञ्जालमार्फत सार्वजनिक अपिलमा उनले प्रदर्शनकारीहरूलाई संयमित रहन आग्रह गर्दै भने, “प्रिय Gen Z, तपाईंहरूको हत्याराको राजीनामा आइसकेको छ। अब संयमित हुनुहोला। देशको जनधनको क्षति भनेको तपाईं हाम्रै सम्पत्तिको क्षति हो।”

शाहले देशको नेतृत्व अब जेनजी पुस्ताले लिनुपर्ने समय आएको उल्लेख गर्दै सेना प्रमुखसँग वार्ता गर्न तयार रहन आग्रह गरेका छन्। तर उनले स्पष्ट रूपमा भनेका छन्, “वार्ता गर्नुअघि संसद् विघटन भएको हुनु पर्छ”।