जेनजी प्रदर्शनमा पाँच जनाको मृत्यु, काठमाडौंमा कर्फ्यू जारी

२३ भदौ, काठमाडौं — सामाजिक सञ्जाल बन्दविरुद्ध काठमाडौंको नयाँ बानेश्वरमा सोमबार भएको जेनजी आन्दोलन हिंसात्मक बन्दै गएको छ। प्रदर्शनका क्रममा रबरको गोली लागेर पाँच जनाको मृत्यु भएको छ। सिभिल अस्पतालमा एक र ट्रमा सेन्टरमा चार जनाको मृत्यु भएको अस्पताल स्रोतले पुष्टि गरेको छ।

प्रदर्शन चर्किएपछि दिउँसो साढे १२ बजेबाट काठमाडौंका विभिन्न क्षेत्रमा कर्फ्यू आदेश जारी गरिएको छ। यद्यपि आन्दोलन रोकिएको छैन। प्रदर्शनकारीहरू अझै सडकमा छन् भने नयाँ बानेश्वर क्षेत्र तनावग्रस्त बनेको छ।