नेप्सेको आधिकारिक वेबसाइटमा फेरि त्रुटि — बजार खुला हुँदा पनि बिहीबारकै 'मार्केट क्लोज्ड' डेटा
नेपाल स्टक एक्सचेन्ज (नेप्से) को आधिकारिक वेबसाइट www.nepalstock.com मा फेरि एकपटक प्राविधिक समस्या देखिएको छ; सोमबार वैशाख २१ गते बजार खुला रहँदा पनि वेबसाइटले अघिल्लो कारोबार दिन (बिहीबार वैशाख १७/अप्रिल ३० को बेलुका ३ बजे) को नै 'मार्केट क्लोज्ड' अवस्थाको डेटा देखाइरहेको छ। नेप्से इन्डेक्स २,७३८.७२ अंकमा (−५.७३, −०.२०%) रोकिएको देखिनु, र लगानीकर्ताले लाइभ अपडेट नै नदेखाइनुले बजारको पारदर्शिता र वेबसाइटको विश्वसनीयतामाथि गम्भीर प्रश्न उठाएको छ।
