नारायणी पुलमा अड्किएको राइनो क्रुज निकाल्मे तयारी

चितवन । नारायणी नदीको पुलको छेउमा अड्किएको राइनो क्रुज निकाल्ने प्रयास शुरु गरिएको छ । पुलमा कुनै क्षति नपुग्ने गरी क्रुज निकाल्ने उपायबारे प्राविधिक टोलीले शुरु गरेको हो ।

क्रुजलाई क्रेनमार्फत निकाल्न आवश्यक बाटो निर्माणका लागि दुई वटा डोजर प्रयोग गरिएको छ । क्रेन सहज रूपमा पुग्न सक्ने बाटो निर्माण गर्न सडक डिभिजन प्रमुखसहित इन्जिनियरहरूको टोली घटनास्थलमा खटिएको छ ।

यसैबीच नारायणी नदी पुलबाट सवारीसाधनको आवतजावत भने भइरहेको सडक डिभिजन कार्यालय भरतपुरले जनाएको छ । प्राविधिक टोलीले पुलको संरचनामा असर नपर्ने गरी क्रुज निकाल्ने तयारी गरिरहेको जनाएको छ ।