कुमारी बैंकले प्रस्ताव गर्‍यो २.१०५३ प्रतिशत नगद लाभांश

काठमाडौं । कुमारी बैंक लिमिटेडले आर्थिक वर्ष २०८२/८३ का लागि २.१०५३ प्रतिशत नगद लाभांश वितरण गर्ने प्रस्ताव गरेको छ ।

बैंकको भदौ ३० गते बसेको सञ्चालक समितिको बैठकले चुक्ता पुँजीको आधारमा करसहित २.१०५३ प्रतिशत नगद लाभांश वितरण गर्ने प्रस्ताव गरेको हो ।

बैंकको हालको चुक्ता पुँजी करिब रु. २६ अर्ब २२ करोड रहेको छ । उक्त चुक्ता पुँजीका आधारमा प्रस्तावित नगद लाभांशको कुल रकम करिब रु. ५५ करोड २० लाख बराबर हुन्छ ।

प्रस्तावित लाभांश नेपाल राष्ट्र बैंकको स्वीकृति तथा बैंकको आगामी वार्षिक साधारणसभाबाट पारित भएपछि मात्र वितरण गरिनेछ ।