हिमालयन रिइन्स्योरेन्सको शेयर उच्च मात्रामा कारोबार, मूल्य १३% सम्म घट्यो

आज हिमालयन रिइन्स्योरेन्स (HRL) को शेयरमा उच्च मात्रामा कारोबार देखिएको छ। कारोबार सुरु भएको १ घण्टा नबित्दै कम्पनीको करिब ३ लाख कित्ता शेयर किनबेच भएको छ भने शेयर मूल्य पनि एकै दिनमा करिब १३% सम्म घटेको छ। आजको कारोबार मात्रा पछिल्लो १ महिनाकै उच्च रहेको देखिन्छ।

यससँगै, आज सबैभन्दा बढी कारोबार हुने कम्पनीमध्ये HRL शीर्ष स्थानमा रहेको छ।

यसैबीच, नेपाल बीमा प्राधिकरण ले भर्खरै हिमालयन रिइन्स्योरेन्स कम्पनी लिमिटेड (HRL) लाई नयाँ पुनर्बीमा व्यवसाय गर्न रोक लगाएको छ।

प्राधिकरणले जारी गरेको सूचनाअनुसार कम्पनीले पूर्व–बीमा दाबी भुक्तानी गर्नुपर्ने दायित्व पूरा नगरेको भन्दै आर्थिक वर्ष २०८२/८३ को असार मसान्तसम्मका लागि यस्तो निर्णय गरिएको हो।

यद्यपि, यसअघि स्वीकृत भइसकेका पुनर्बीमा व्यवसायसँग सम्बन्धित दायित्व तथा व्यवस्थापनका काम भने कम्पनीले निरन्तर गर्न पाउने उल्लेख गरिएको छ।