नेप्सेमा पाल्पा सिमेन्ट र शिखर पावरको आईपीओ सूचीकृत, शुक्रबारदेखि कारोबार खुल्ने

काठमाडौं । नेपाल स्टक एक्सचेञ्ज (नेप्से) मा चैत २६ गते बिहीबार पाल्पा सिमेन्ट इन्डस्ट्रिज लिमिटेड (PCIL) र शिखर पावर डेभलपमेन्ट लिमिटेड (SIPD) को साधारण सेयर (आईपीओ) सूचीकृत भएको छ।

पाल्पा सिमेन्ट इन्डस्ट्रिज लिमिटेडको कुल ३ करोड ७५ लाख कित्ता सेयर सूचीकृत भएको छ। यसमध्ये ७५ लाख कित्ता (२०%) सर्वसाधारणलाई वितरण गरिएको हो भने ३ करोड कित्ता (८०%) संस्थापक सेयर रहेको छ।

त्यस्तै, शिखर पावर डेभलपमेन्ट लिमिटेडको कुल ९६ लाख कित्ता सेयर सूचीकृत भएको छ। कम्पनीले ३२ लाख कित्ता (करिब ३२.६५%) सर्वसाधारणलाई वितरण गरेको छ भने ६४ लाख कित्ता (करिब ६७.३५%) संस्थापक सेयर रहेको छ।

नेप्सेले पाल्पा सिमेन्ट (PCIL) को पहिलो कारोबारका लागि न्यूनतम १०० रुपैयाँदेखि अधिकतम ३०० रुपैयाँसम्मको ओपनिङ रेञ्ज तोकेको छ।

यसैगरी, शिखर पावर (SIPD) को पहिलो कारोबारका लागि न्यूनतम ९४ रुपैयाँ ७८ पैसा देखि अधिकतम २८४ रुपैयाँ ३४ पैसा सम्मको ओपनिङ रेञ्ज निर्धारण गरिएको छ।

दुवै कम्पनीको पहिलो कारोबार चैत २७ गते शुक्रबार स्पेशल प्रि-ओपन सेसनमार्फत हुने नेप्सेले जनाएको छ।