एनपीएलमा सट्टाबाजी गराउन खोज्ने दुई जना पक्राउ

काठमाडौँ । जारी नेपाल प्रिमियर लिग (एनपीएल) मा सट्टाबाजी गराउन खोज्ने दुई जना पक्राउ परेका छन् ।

काठमाडौँ उपत्यका अपराध अनुसन्धान कार्यालयले एनपीएलका खेलाडीलाई स्पोन्सर गर्छौं भनी ह्वाट्स एप र इन्स्टाग्राम मार्फत सम्पर्क गरि हारजितमा प्रभाव पार्न आर्थिक प्रलोभन देखाएर ठगि गर्न खोज्ने भारतको हरियाणाका दलप्रित सिंह र बर्दिया घर भई भारतको चण्डीगढ बस्ने रेबिका सिंह ठकुरीलाई पक्राउ गरेको जानकारी दिएको छ ।

उपत्यका अपराध अनुसन्धान कार्यालयले थप अनुसन्धानका लागि दुवै जनालाई काठमाडौँ जिल्ला प्रहरी परिसर पठाएको जानकारी दिएको छ ।