शतप्रतिशत हकप्रद शेयर निष्कासन गर्दै कालिञ्चोक दर्शन, बोलायो साधारण सभा

काठमाडौं, ८ पुस । कालिञ्चोक दर्शन लिमिटेड (KDL) ले पुस २९ गते  गौशाला, पिङ्गलास्थान काठमाडौंको बद्रीनाथ होटलमा १० औँ वार्षिक साधारण सभा बोलाएको छ। सभा बिहान ११:३० बजे सुरु हुनेछ। 

सभाले हालको चुक्ता पुँजी ६० करोडको शतप्रतिशत हकप्रद शेयर (६० लाख कित्ता) निष्कासन गर्ने प्रस्ताव पारित गर्नेछ। हकप्रदबाट संकलित रकम बैंक ऋण चुक्ता, होटल निर्माण, र इन्भेष्टमेन्टमा प्रयोग गरिनेछ। साथै, लेखापरीक्षक नियुक्ति, वित्तीय विवरण पारित, र अन्य व्यवस्थापनसम्बन्धी प्रस्तावहरूमा छलफल हुनेछ।

साधारणसभा प्रयोजनका लागि कम्पनीले पुस १५ गते बुकक्लोज गर्ने निर्णय गरेको छ। पुस १४ सम्म नेप्सेमा कारोबार भइ कायम शेयरधनीले सभामा सहभागी हुन सक्नेछन्।