नागरिक लगानी कोषले शेयरधनीलाई १३ प्रतिशत लाभांश वितरण गर्ने घोषणा

काठमाडौं, ७ पुस । नागरिक लगानी कोष (CIT) ले आर्थिक वर्ष २०८०/८१ को मुनाफाबाट आफ्ना शेयरधनीलाई १३ प्रतिशत लाभांश वितरण गर्ने घोषणा गरेको छ। कोषको पुस ७ गते बिहान बसेको सञ्चालक समितिको बैठकले ७ प्रतिशत बोनस शेयर र ६ प्रतिशत नगद लाभांश दिने निर्णय गरेको हो।

उक्त लाभांश नेपाल सरकारको अर्थ मन्त्रालय र कोषको आगामी वार्षिक साधारण सभाबाट स्वीकृत भएपछि वितरण गरिनेछ।

यसअघि, कोषले आर्थिक वर्ष २०७९/८० को नाफाबाट १४ प्रतिशत बोनस शेयर र कर तिर्न ०.७३६ प्रतिशत नगद लाभांश वितरण गरेको थियो।

नयाँ प्रस्तावित लाभांशले शेयरधनीहरुलाई थप लाभान्वित गर्ने अपेक्षा गरिएको छ।