सोल्टी होटलले आर्थिक वर्ष २०८०/८१ का लागि ३६.८४% लाभांश प्रस्ताव, साधारण सभा मिति पनि तय

काठमाडौँ । सोल्टी होटल लिमिटेड (SHL) ले आर्थिक वर्ष २०८०/८१ का लागि ३६.८४% लाभांश वितरण गर्ने निर्णय गरेको छ। कात्तिक १३ गतेको सञ्चालक समिति बैठकमा कम्पनीले १०% बोनस शेयर र करसहित २६.८४% नगद लाभांशको प्रस्ताव गरेको हो। यस प्रस्तावलाई अनुमोदन गर्न कम्पनीले पुस ४, २०८१ मा साधारण सभा आयोजना गर्ने योजना बनाएको छ, जुन सभा नेपाल प्रज्ञा भवन प्रेक्षालय, कमलादी काठमाडौंमा बिहान ११ बजे सुरु हुनेछ।यस साधारण सभामा गत आर्थिक वर्षको वार्षिक प्रतिवेदन, नाफा नोक्सान हिसाब, र नगद प्रवाह विवरणमा गहन छलफल हुनेछ। साथै, आगामी आर्थिक वर्ष २०८१–८२ का लागि लेखापरिक्षक नियुक्त गर्ने एजेन्डा पनि उपस्थित हुनेछ।कम्पनीले मंसिर १३ गते बुक क्लोज गर्ने निर्णय गरेको छ, जसका कारण मंसिर १२ गतेसम्मका शेयरधारकहरू मात्र सभामा भाग लिन र लाभांश प्राप्त गर्न योग्य हुनेछन्।

सोल्टी होटल लिमिटेडको लाभांश वितरण इतिहास (वितरण गरिएको बोनस र नगद लाभांश):