फर्स्ट माइक्रोफाइनान्सले ९.४७% लाभांश वितरण गर्ने घोषणा

काठमाडौँ । फर्स्ट माइक्रोफाइनान्स लघुवित्त वित्तीय संस्था लिमिटेड (FMDBL) ले गत आर्थिक वर्षको नाफाबाट सेयरधनीहरूका लागि ९.४७ प्रतिशत लाभांश वितरणको घोषणा गरेको छ। कम्पनीको सञ्चालक समितिको हालै सम्पन्न बैठकले यस वर्ष ९ प्रतिशत बोनस सेयर र कर प्रयोजनका लागि ०.४७ प्रतिशत नगद लाभांश दिने निर्णय गरेको हो। 

नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि यो लाभांश वितरण हुनेछ। यसअघि, फर्स्ट माइक्रोफाइनान्सले अघिल्लो वर्ष सेयरधनीहरूलाई ७.५० प्रतिशत बोनस सेयर र ७.५० प्रतिशत नगद लाभांश प्रदान गरेको थियो।