सिद्धार्थ इन्भेष्टमेन्ट ग्रोथ स्किम-३ को लाभांश घोषणा

काठमाडौं । सिद्धार्थ क्यापिटलको व्यवस्थापनमा सञ्चालित सिद्धार्थ इन्भेष्टमेन्ट ग्रोथ स्किम-३ को लाभांश घोषणा भएको छ। क्यापिटलको भदौ २ गते बसेको सञ्चालक समिति बैठकले आर्थिक वर्ष २०८०/०८१ का लागि स्किम–३ का इकाईधनीहरूलाई कर सहित ७ प्रतिशत लाभांश वितरण गर्ने निर्णय गरेको हो। 

लाभांशको रकम ५ करोड ६४ लाख ६ हजार रुपैयाँ बराबर हुनेछ। हालसम्म लाभांश प्रयोजनका लागि बुक क्लोज मिति भने सार्वजनिक भएको छैन। योजनाको लेखापरिक्षण कार्य सम्पन्न भए लगत्तै यो घोषणा गरिएको हो।