पेरिस ओलम्पिक: महिला बक्सिङमा भिडिरहेका एक खेलाडी पुरुष भएको खुलेपछि...

पेरिस ओलम्पिकमा महिला बक्सिङ खेलका क्रममा भएको विवादबारे अन्तर्राष्ट्रिय ओलम्पिक समिति (आईओसी) ले विज्ञप्ति जारी गरेको छ। ओलम्पिकमा अल्जेरियन बक्सर इमान खालिफ र इटालियन बक्सर एन्जेला कारिनीबीचको खेलमा विवाद भएको हो। खलिफ र करिनीबीचको खेल ४६ सेकेन्डपछि सकिएको थियो।

इटालियन मुक्केबाज एन्जेला कारिनी खेलको ३० सेकेन्डमै मुक्का खाएपछि आफ्नो हेड गियर मिलाउन प्रशिक्षककहाँ गइन्।दोस्रोपटक खेल सुरु भएको केही सेकेन्डपछि नै उनले थप खेल्न अस्वीकार गरिन्। यसपछि अल्जेरियन बक्सर इमान खलिफका विषयमा विवाद सुरु भयो। उनी पुरुष भएको दाबी गरियो। अन्तर्राष्ट्रिय ओलम्पिक कमिटी र पेरिस ओलम्पिकको बक्सिङ युनिटले यस विवादमा संयुक्त रूपमा विज्ञप्ति जारी गरेका छन्।विज्ञप्तिमा उनीहरूले प्रत्येक व्यक्तिलाई बिनाभेदभाव खेलकुदमा सहभागी हुने अधिकार रहेको उल्लेख गरेका छन्।

जारी विज्ञप्तिमा सबै खेलाडीले योग्यता र प्रवेश नियमानुसार पेरिस ओलम्पिकको बक्सिङ प्रतियोगितामा सहभागी भइरहेको दाबी गरिएको छ। साथै सबै खेलाडीले पेरिस ओलम्पिकको बक्सिङ युनिटले तोकेको मेडिकल नियम पनि पालना गरेको विज्ञप्तिमा भनिएको छ। अघिल्लो ओलम्पिक प्रतियोगितामा जस्तै यसपटक पनि खेलाडीहरूको उमेर र लिंग राहदानीमा आधारित रहेको बताइएको छ।