१२ वाणिज्य बैंकले घोषणा गरे लाभांश : सिद्धार्थको २० प्रतिशत सबैभन्दा बढी, ७ बैंकले अझै घोषणा गरेनन्

स्ट्यान्डर्ड चार्टर्डले १६ प्रतिशत नगद लाभांश दिने भएको छ भने कुमारी बैंकको लाभांश २.१०५३ प्रतिशत मात्र छ ।

Artha Kendra Artha Kendra
आइतबार, ६ मंसिर २०८३, ९:४८ AM
—
फन्ट
१२ वाणिज्य बैंकले घोषणा गरे लाभांश : सिद्धार्थको २० प्रतिशत सबैभन्दा बढी, ७ बैंकले अझै घोषणा गरेनन्

काठमाडौं । आर्थिक वर्ष २०८२/८३ को नाफाबाट हालसम्म १२ वाणिज्य बैंकले शेयरधनीलाई लाभांश घोषणा गरेका छन् । नेपाल स्टक एक्सचेन्ज (नेप्से) मा बैंकहरूले पेस गरेको लाभांश घोषणासम्बन्धी सूचनाअनुसार सिद्धार्थ बैंकले सबैभन्दा बढी २० प्रतिशत लाभांश घोषणा गरेको छ ।

स्ट्यान्डर्ड चार्टर्ड बैंक नेपालले १६ प्रतिशत नगद लाभांश घोषणा गरेको छ भने नबिल बैंकले १५.८० प्रतिशत लाभांश दिने भएको छ । कुमारी बैंकको लाभांश भने २.१०५३ प्रतिशत नगद मात्र छ ।

कुन बैंकले कति लाभांश ?

बोनस शेयर र नगद दुवै

सिद्धार्थ बैंक : १० प्रतिशत बोनस शेयर र १० प्रतिशत नगद गरी कुल २० प्रतिशत ।

नबिल बैंक : ५ प्रतिशत बोनस शेयर र १०.८० प्रतिशत नगद गरी कुल १५.८० प्रतिशत ।

एभरेस्ट बैंक : ५ प्रतिशत बोनस शेयर र १० प्रतिशत नगद गरी कुल १५ प्रतिशत ।

ग्लोबल आईएमई बैंक : ४ प्रतिशत बोनस शेयर र ६ प्रतिशत नगद गरी कुल १० प्रतिशत ।

नेपाल एसबिआई बैंक : ३.४० प्रतिशत बोनस शेयर र ४.८५ प्रतिशत नगद गरी कुल ८.२५ प्रतिशत ।

माछापुच्छ्रे बैंक : ३ प्रतिशत बोनस शेयर र ३ प्रतिशत नगद गरी कुल ६ प्रतिशत ।

लक्ष्मी सनराइज बैंक : ५ प्रतिशत बोनस शेयर र कर प्रयोजनका लागि ०.२६ प्रतिशत नगद गरी कुल ५.२६ प्रतिशत ।

सिटिजन्स बैंक इन्टरनेसनल : ३.८० प्रतिशत बोनस शेयर र कर प्रयोजनका लागि ०.२० प्रतिशत नगद गरी कुल ४ प्रतिशत ।

नगद लाभांश मात्र

स्ट्यान्डर्ड चार्टर्ड बैंक नेपाल : १६ प्रतिशत नगद ।

सानिमा बैंक : १० प्रतिशत नगद ।

एनएमबि बैंक : ७ प्रतिशत नगद ।

कुमारी बैंक : २.१०५३ प्रतिशत नगद ।

बुक क्लोज र साधारणसभा

स्ट्यान्डर्ड चार्टर्ड बैंकले लाभांश र ४० औँ वार्षिक साधारणसभा प्रयोजनका लागि मंसिर १० गते बुक क्लोज गर्ने र मंसिर २३ गते साधारणसभा गर्ने जनाएको छ ।

एनएमबि बैंकले मंसिर ११ गते बुक क्लोज गरी मंसिर २५ गते ३१ औँ साधारणसभा गर्नेछ । लक्ष्मी सनराइज बैंकले मंसिर १४ गते बुक क्लोज गर्ने र मंसिर २५ गते २६ औँ साधारणसभा गर्ने जनाएको छ । बुक क्लोज मितिभन्दा अघिसम्म कायम शेयरधनी मात्र लाभांश पाउन योग्य हुन्छन् ।

७ बैंकले अझै घोषणा गरेनन्

नेप्सेमा सूचीकृत १९ वाणिज्य बैंकमध्ये कृषि विकास बैंक, हिमालयन बैंक, नेपाल बैंक, एनआईसी एसिया बैंक, नेपाल इन्भेस्टमेन्ट मेगा बैंक, प्राइम कमर्सियल बैंक र प्रभु बैंकले भने हालसम्म आर्थिक वर्ष २०८२/८३ को लाभांश घोषणा गरेका छैनन् ।

तीमध्ये एनआईसी एसिया बैंकले भने ५० प्रतिशत हकप्रद शेयरका लागि बुक क्लोजको सूचना प्रकाशित गरिसकेको छ ।

यो पोस्ट पढेपछि तपाईलाई कस्तो लाग्यो?

सेयर गर्नुहोस्

Comments

0 comments · join the conversation

No comments yet

Be the first to share your thoughts.