शेयर हबले शुरुआती लगानीकर्ताका लागि टेक्निकल एनालिसिस तालिम सञ्चालन गर्ने, कसरी जोडिने?

काठमाडौं । शेयर हबले शेयर बजारमा प्राविधिक विश्लेषण सिक्न चाहने शुरुआती लगानीकर्तालाई लक्षित गरी १० दिने अनलाइन तालिम सञ्चालन गर्ने भएको छ। ‘Technical Analysis Training for Beginners’ नामक तालिममा मूल्यको चार्ट बुझ्न, बजारको प्रवृत्ति पहिचान गर्न र कारोबारको योजना बनाउन सिकाइनेछ।

पाठ्यक्रममा क्यान्डलस्टिक चार्ट तथा प्याटर्न, सपोर्ट र रेसिस्टेन्स, ट्रेन्डलाइन, मुभिङ एभरेज र फिबोनाची रिट्रेसमेन्ट समावेश छन्। सहभागीले आरएसआई र एमएसीडीजस्ता सूचक प्रयोग गरेर मूल्यको गति तथा सम्भावित ट्रेन्ड परिवर्तनका संकेत अध्ययन गर्न सिक्नेछन्।

यसैगरी, कारोबार परिमाण अर्थात् भोल्युम विश्लेषण, डाउ थ्योरी र विभिन्न समयावधिका चार्ट तुलना गर्ने अभ्यास गराइनेछ। वास्तविक पैसा प्रयोग नगरी कारोबारको अभ्यास गर्न सकिने पेपर ट्रेडिङ तथा टीएमएस र मेरोशेयरको प्रयोगबारे पनि सिकाइनेछ।

तालिममा जोखिम व्यवस्थापन र ट्रेडिङ मनोविज्ञानलाई समेत जोड दिइएको छ। लगानीको आकार निर्धारण, जोखिम र सम्भावित प्रतिफलको अनुपात बुझ्ने तथा डर र लोभलाई नियन्त्रण गर्दै अनुशासित कारोबार गर्ने विषय समेटिएका छन्। तालिममा सहभागी हुन वित्तीय बजारको आधारभूत ज्ञान उपयोगी हुने भए पनि अनिवार्य छैन।

 पाठ्यक्रमबारे थप जानकारी शेयर हबको तालिम पृष्ठमा उपलब्ध छ। तालिम यही असोज २० गतेदेखि १० दिनसम्म सञ्चालन हुनेछ। थप जानकारीका लागि 9861882593 मा सम्पर्क गर्न सक्नुहुनेछ।