नेप्सेमा आजपनि गिरावट, ४ अर्ब ६५ करोडको कारोबार

काठमाडौँ । नेप्सेमा आज गिरावट आएको छ । आज मंगलबार नेप्से ९.६२ अंकले घटेर २६०३.७१ विन्दुमा पुगेर रोकिएको छ ।

आज ३६३ कम्पनीका एक करोड १० लाख ६९ हजार ७४ कित्ता शेयर ४ अर्ब ६५ करोड ४८ लाख ७५ हजार ४५ रुपैयाँमा कारोबार भएको थियो । आज निर्जीवन बीमा र अन्य बाहेक सबै क्षेत्रको शेयर मूल्य घटेको छ ।

आज सबैभन्दा बढी आईसीएफएसी डिबेन्चर २०८३ को शेयर ९.१८ प्रतिशतले बढेको छ भने सयपत्री हाइड्रोको शेयर ६.७९ प्रतिशतले बढेको छ । त्यस्तै, आज सबैभन्दा बढी सिटिजन सुपर ३० म्युचुअल फन्डको शेयर ५.४४ प्रतिशतले घटेको छ ।

त्यस्तै, आज सबैभन्दा बढी हिमालयन डिस्टिलरीको २२ करोड ९९ लाख रुपैयाँ बराबरको कारोबार भएको छ भने शिवम् सिमेन्टको १७ करोड २५ लाख रुपैयाँ बराबरको कारोबार भएको छ ।