नेप्सेमा दोहोरो अंकको वृद्धि, ५ अर्ब ४४ करोडको कारोबार

काठमाडौँ । नेप्सेमा आज दोहोरो अंकको वृद्धि भएको छ । आज बिहीबार नेप्से ११.७७ अंकले बढेर २६२९.८१ विन्दुमा पुगेर रोकिएको छ ।

आज ३५६ कम्पनीका एक करोड ७२ लाख ७० हजार ४४९ कित्ता शेयर ५ अर्ब ४४ करोड ७३ लाख १३ हजार १६८ रुपैयाँ बराबरमा कारोबार भएको थियो । आज निर्जीवन बीमा बाहेक सबै क्षेत्रको शेयर मूल्य बढेको छ ।

आज सबैभन्दा बढी नेपाल ल्युब आयलको शेयर १२.४७ प्रतिशतले बढेको छ भने सोनापुर मिनरल्सको शेयर ७.६५ प्रतिशतले बढेको छ । त्यस्तै, आज सबैभन्दा बढी मिड सोलु हाइड्रोको शेयर ११.५८ प्रतिशतले घटेको छ ।

त्यस्तै, आज सबैभन्दा बढी शिवम् सिमेन्टको ३५ करोड ८१ लाख रुपैयाँ बराबरको कारोबार भएको छ भने हिमालयन डिस्टिलरीको ३५ करोड १६ लाख रुपैयाँ बराबरको कारोबार भएको छ ।