सुनचाँदीको मुल्य घट्यो

काठमाडौं । नेपाली बजारमा आज सुनचाँदीको मूल्य घटेको छ।

नेपाल सुनचाँदी व्यवसायी महासङ्घका अनुसार आज सुन तोलामा ३२ सय रुपैयाँले घटेर २ लाख ९९ हजार १ सय रुपैयाँमा कारोबार भइरहेको छ। यसअघि बुधबार सुन तोलाको ३ लाख २ हजार ३ सय रुपैयाँमा कारोबार भएको थियो।

यस्तै, आज चाँदीको मूल्य पनि घटेको छ। महासङ्घका अनुसार आज चाँदी तोलामा १६५ रुपैयाँले घटेर ४ हजार ६ सय ५० रुपैयाँमा कारोबार भइरहेको छ। यसअघि बुधबार चाँदी तोलाको ४ हजार ८ सय १५ रुपैयाँमा कारोबार भएको थियो।