आईपीओ ल्याउन अब नयाँ योग्यता, क्षेत्रअनुसार छुट्टाछुट्टै मापदण्ड

काठमाडौं - सरकारले प्रारम्भिक सार्वजनिक निष्कासन (आईपीओ) गर्ने कम्पनीका लागि सामान्य योग्यता निर्धारण गर्न नेपाल धितोपत्र बोर्डलाई तत्काल निर्देशिका जारी गर्ने जिम्मेवारी दिएको छ।

जलविद्युत्, उत्पादन तथा प्रशोधन, होटल तथा पर्यटन, कृषि र औषधि उद्योगका लागि छुट्टाछुट्टै विशिष्ट योग्यता बनाइनेछ। बजारमुखी मूल्यमा आईपीओ जारी गर्न मूल्य अन्वेषण र धितोपत्र बाँडफाँट प्रणाली सहित आवश्यक नीतिगत तथा कानुनी सुधार गरिने कार्ययोजनामा उल्लेख छ।

यी सुधार २०८३ पुस मसान्तभित्र लागू गर्ने सरकारको तयारी छ।