नेप्सेमा आज पनि गिरावट, ४ अर्ब १० करोडको कारोबार

काठमाडौँ । नेप्सेमा आज पनि गिरावट आएको छ । आज मंगलबार नेप्से ५.३० अंकले घटेर २,५९४.२७ विन्दुमा पुगेर रोकिएको छ ।

आज ३५७ कम्पनीका १ करोड ४४ हजार १६४ कित्ता शेयर ४ अर्ब १० करोड ९७ लाख ५१ हजार ७३० रुपैयाँ बराबरमा कारोबार भएको थियो । आज विकास बैंक र निर्जीवन बीमा बाहेक सबै क्षेत्रका शेयर मूल्य घटेका छन् ।

आज सबैभन्दा बढी सर्वोत्तम पेन्ट्सको शेयर १४.९९ प्रतिशतले बढेको छ भने क्रेष्ट माइक्रो लाइफ इन्स्योरेन्सको शेयर १४.९५ प्रतिशतले बढेको छ । त्यस्तै, आज सबैभन्दा बढी धवलागिरी लघुवित्तको शेयर १०.०७ प्रतिशतले घटेको छ ।

त्यस्तै, आज सबैभन्दा बढी मकर जितुमाया सुरी हाइड्रोपावरको करिब ९० करोड रुपैयाँ बराबरको कारोबार भएको छ भने रिलायन्स स्पिनिङ मिल्सको १७ करोड ७१ लाख रुपैयाँ बराबरको कारोबार भएको छ । मकर जितुमाया सुरी हाइड्रोपावरको आजको कारोबार रकम करिब ९०.०८ करोड रुपैयाँ रहेको देखिन्छ ।