सुन एकैदिन तोलाको ९ हजार ३ सयले बढ्यो

काठमाडौं । नेपाली बजारमा आज सुनचाँदीको मूल्य बढेको छ ।

नेपाल सुनचाँदी व्यवसायी महासङ्घका अनुसार बिहीबार सुनको मूल्य तोलामा ९ हजार ३ सय रुपैयाँले बढेर ३ लाख १३ हजार ४ सय रुपैयाँ पुगेको छ । यसअघि बुधबार सुन तोलाको ३ लाख ४ हजार १ सय रुपैयाँ मा कारोबार भएको थियो ।

यस्तै, आज चाँदीको मूल्य पनि बढेको छ । महासङ्घका अनुसार चाँदी तोलामा २६० रुपैयाँले बढेर ४ हजार ८ सय ५५ रुपैयाँ पुगेको छ । यसअघि बुधबार चाँदी तोलाको ४ हजार ५ सय ९५ रुपैयाँ मा कारोबार भएको थियो ।