सुनचाँदीको मुल्य घट्यो, तोलाको कति पुग्यो ?

काठमाडौं । नेपाली बजारमा आज सुन र चाँदी दुवैको मूल्य घटेको छ।

नेपाल सुनचाँदी व्यवसायी महासङ्घका अनुसार सोमबार सुनको मूल्य प्रतितोला २,८०० रुपैयाँले घटेर २ लाख ८५ हजार २०० रुपैयाँ कायम भएको छ। आइतबार सुन प्रतितोला २ लाख ८८ हजार रुपैयाँमा कारोबार भएको थियो।

यस्तै, आज चाँदीको मूल्य पनि घटेको छ। महासङ्घका अनुसार चाँदी प्रतितोला १०० रुपैयाँले घटेर ४,३७५ रुपैयाँमा कारोबार भइरहेको छ। आइतबार चाँदी प्रतितोला ४,४७५ रुपैयाँमा कारोबार भएको थियो।