संबिधान संशोधनको जिम्मेवारी रास्वपामा आयो- उपेन्द्र यादव

काठमाडौँ । जसपा नेपालका अध्यक्ष उपेन्द्र यादवले संबिधान संशोधनको जिम्मेवारी रास्वपामा आएको बताएका छन् ।   

रास्वपाको प्रथम महाधिवेशनलाई सम्बोधन गर्दै अध्यक्ष यादवले संबिधान त्रुटीपूर्ण, अपूर्ण र अधुरो रहेको तथा केहि महत्पूर्ण पक्ष भएपनि ति धेरै अपुरो र अमुर्त रहेको बताउदै संबिधानमा रहेका बिकृति र विसंगतिलाई हटाउने जिम्मेवारी रास्वपामा आएको बताएका हुन् । 

उनले मुलुकले सामाजिक न्याय खोजेको बताउदै सयौं बर्षदेखि विभेदमा पारिएका समुदायले समानताको हक र अधिकार खोजिरहेको बताए । 

उनले देशको बेरोजगारी, महंगी अन्त्य गर्न आर्थिक विकास र समृद्धिको बाटोमा हिड्नु अहिलेको आवश्यकता भएको बताउदै त्यसका लागि रास्वपा सुशासन र समन्यायको बाटोमा हिड्ने विश्वास व्यक्त गरेका छन् ।