एकैदिन ह्वात्तै घट्यो सुनको भाउ

काठमाडौं । नेपाली बजारमा आज सुनचाँदीको मुल्यमा ठुलो गिरावट आएको छ । 

नेपाल सुनचाँदी व्यवसायी महासङ्घका अनुसार शुक्रबार सुनको मुल्य तोलाको १० हजार ५ सयले घटेर तोलाको २ लाख ८६ हजार ७ सयमा कारोबार भइरहेको छ । यसअघि विहिबार सुन तोलाको २ लाख ९७ हजार २ सयमा कारोबार भएको थियो ।

यस्तै, आज चाँदीको मुल्य पनि घटेको छ । महासङ्घका अनुसार आज चाँदी तोलाको ३०५ रुपैयाँले घटेर तोलाको ४६४० मा कारोबार भइरहेको छ । यसअघि विहिबार चाँदी तोलाको ४९४५ मा कारोबार भएको थियो ।

सच्याइएकोः यसअघि विहिबार सुन तोलाको २ लाख ९७ हजार २ सयमा कारोबार भएको थियो । मूल्य सम्बन्धी त्रुटि सच्याइएको छ।