बजेट: कर्मचारीको तलब बढ्यो

काठमाडौँ । अर्थमन्त्री डा. स्वर्णिम वाग्लेले कर्मचारीको तलब बढाएका छन् ।

बजेट भाषणमा अर्थमन्त्री डा. वाग्लेले कर्मचारीको शुरु स्केलमा  १० प्रतिशत तलव वृद्धि गरिएको र कार्यसम्पादनको आधारमा पारिश्रमिकको सुरुवात गर्न नयाँ तलवमानको मासिक १० प्रतिशत मासिक प्रोत्साहन भत्ताको व्यवस्था गरिएको बताएका हुन्। 

उनले अहिले कायम १० प्रतिशत महँगी भत्ता पनि यथावत राखिएको बताए ।

अर्थमन्त्रीले सरदार २१ प्रतिशत वृद्धि हुने र न्युनतम तलब ४० हजारदेखि एक लाख माथि कायम हुने बताएका छन् ।

विगत चार वर्षदेखि तलब वृद्धि नभएको र यसबीचमा १७.३ प्रतिशत महँगी बढेको उनले बताए ।

बढ्दो महँगी र कर्मचारीको जीवनयापन खर्चलाई ध्यानमा राख्दै तलब वृद्धि गरिएको सरकारले जनाएको छ । नयाँ व्यवस्था आगामी आर्थिक वर्षदेखि लागू हुने बताइएको छ ।