विद्या भण्डारीको पार्टी सदस्यता नवीकरण गर्ने एमालेको निर्णय

काठमाडौं । नेकपा एमालेले पूर्व राष्ट्रपति विद्यादेवी भण्डारीको पार्टी सदस्यता नवीकरण गर्ने निर्णय गरेको छ ।

सोमवार भक्तपुरको गुण्डुस्थित एमाले अध्यक्ष केपी शर्मा ओली निवासमा बसेको सचिवालय बैठकले भण्डारीको सदस्यता नविकरण गर्ने निर्णय भएको उपमहासचिव लेखराज भट्टले जानकारी दिएका छन् ।

त्यस्तै आजको बैठकमा पदाधिकारीको वरियता र कार्यविभाजन, निर्वाचनको समिक्षा कार्यदल बनाउने र सरकारका काम बारे समिक्षा भएको भट्टले जानकारी दिए ।

अब अर्को बैठक जेठ ८ गते बस्ने उनले बताए ।