मल्टीपर्पस फाइनान्सको खुद नाफा ७५.४१% घट्यो, प्रतिसेयर आम्दानी कति

नेप्सेमा सूचीकृत वित्त क्षेत्रको कम्पनी मल्टीपर्पस फाइनान्स कम्पनी लिमिटेड (MPFL) को नाफामा भारी गिरावट देखिएको छ। कम्पनीले सार्वजनिक गरेको चालु आर्थिक वर्ष २०८२/८३ को तेस्रो त्रैमाससम्मको वित्तीय विवरणअनुसार बैंकको खुद नाफा ७५.४१ प्रतिशतले घटेर ५३ लाख २३ हजार रुपैयाँमा सीमित भएको छ। गत आर्थिक वर्षको सोही अवधिमा फाइनान्सले २ करोड १६ लाख रुपैयाँ खुद नाफा कमाएको थियो।

आम्दानीको पाटोबाट हेर्दा बैंकको खुद ब्याज आम्दानी १८.०९ प्रतिशतले घटेर ५ करोड ३१ लाख रुपैयाँमा झरेको छ; अघिल्लो वर्षको चैत मसान्तसम्म यो आम्दानी ६ करोड ४८ लाख रुपैयाँ रहेको थियो। ब्याज आम्दानी घट्नुका साथै सञ्चालन खर्च ४ करोड १५ लाख रुपैयाँबाट बढेर ५ करोड २९ लाख रुपैयाँ पुगेकोले समेत नाफामा थप दबाब परेको हो।

पुँजी संरचनातर्फ बैंकको चुक्ता पुँजी ६१ करोड २ लाख रुपैयाँ रहेको छ भने जगेडा कोषमा ९ करोड ९ लाख रुपैयाँ सञ्चित छ।

प्रति सेयर सूचकहरूतर्फ बैंकको प्रतिसेयर आम्दानी (इपीएस) १.१६ रुपैयाँ कायम भएको छ भने प्रतिसेयर नेटवर्थ ११९.३१ रुपैयाँ रहेको छ।