डिपी अर्याल सभामुखमा निर्वाचित

काठमाडौं । डोलप्रसाद अर्याल(डिपी अर्याल) सभामुख निर्वाचित भएका छन् । आइतबार प्रतिनिधि सभाको बैठकमा एक मात्र उम्मेदवार रहेका अर्याललाई सभामुखमा निर्वाचित गरियोस भन्ने प्रस्ताव सर्वसम्मत रुपमा पारित भएसँगै उनी सभामुखमा निर्वाचित भएका हुन् ।

शुक्रबार सभामुखको मनोनयन दर्ता गर्दा अर्यालको एकल उम्मेदवारी परेपछि निर्विरोध निर्वाचित भएका थिए । अर्यालको प्रस्तावकमा रास्वपा सभापति रवि लामिछाने र समर्थकमा स्वर्णिम वाग्ले, सोविता गौतम र सुनिल लम्साल रहेका थिए । 

नव निर्वाचित सभामुख अर्यालले आज दिउँसो २: ३० बजे शीतलनिवासमा राष्ट्रपति रामचन्द्र पौडेल समक्ष पद तथा गोपनियताको शपथ लिने कार्यक्रम तय भएको छ ।