खाद्य प्रविधि तथा गुण नियन्त्रण विभागका प्राविधिक सहायक घुस रकमसहित पक्राउ

काठमाडौँ । अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभागका प्राविधिक सहायक सन्जय चौधरीलाई घुससहित पक्राउ गरेको छ ।

अख्तियारले उद्योग नविकरण गर्ने घुस मागेर दुख दिएको सुचनाको आधारमा अख्तियारको टोलीले चौधरीलाई सेवाग्राहीसँग ३० हजार घुस लिइसकेको अवस्थामा रकम र दुई वटा मोबाइलसहित विभागको परिसर बबरमहलबाट पक्राउ गरेको हो ।

अख्तियारले चौधरीलाई नियन्त्रणमा लिई थप अनुसन्धान भइरहेको जनाएको छ ।