काठमाडौंका १० निर्वाचन क्षेत्रको यी स्थानमा हुदैछ मतगणना

काठमाडौँ । काठमाडौंका सबै १० निर्वाचन क्षेत्रमा मतदान सफलतापूर्वक सम्पन्न भएको छ।

जिल्ला मुख्य निर्वाचन अधिकृतका अनुसार यस निर्वाचनमा करिब ६० देखि ६५ प्रतिशत मतदाता मतदानमा सहभागी भएका अनुमान गरिएको छ । मतदानको अन्तिम मतदान विवरण आउनेक्रममा रहेको छ ।

अब मतपेटिका संकलनको काम शुरु गरिएको र आजै राति देखि मतगणना शुरु हुने भएको छ ।

मतगणना सम्बन्धी तयारी पनि पूर्ण रुपमा सम्पन्न भएको छ । जस अनुसार काठमाडौँको क्षेत्र नम्बर १ को मतगणना सहकारी विभागमा, क्षेत्र नम्बर २ को कागेश्वर मनोहरा नगरपालिका, क्षेत्र नम्बर ३ को चामुन्डा माध्यमिक विद्यालय नारायणटार, क्षेत्र नम्बर ४ को बूढानीलकण्ठ नगरपालिका–२ स्थित जेष्ठ नागरिक कार्यालय, क्षेत्र नम्बर ५ को श्री समाज भवन टोखा नगरपालिका–५, क्षेत्र नम्बर ६ को तार्केश्वर नगरपालिका धर्मस्थली, क्षेत्र नम्बर ७ को जुडो हल नयाँबजार, क्षेत्र नम्बर ८ को जनउद्धार माध्यमिक विद्यालय हरिसिद्धि, क्षेत्र न्मब्र ९ को चन्द्रगिरी नगरपालिका बलम्बु र क्षेत्र नम्बर १० को त्रिभुवन विश्वविद्यालय स्मृति भवन कीर्तिपुरमा हुने व्यवस्था गरिएको छ ।

मतगणना सुरु भएपछि निर्वाचन नतिजा सार्वजनिक गरिने तयारी गरिएको निर्वाचन कार्यालयले जनाएको छ ।