यी हुन् एमालेका पाँच जना विजयी उपाध्यक्ष, पृथ्वीसुब्बालाई सबैभन्दा बढी मत

३ पुस, काठमाडौं । नेकपा एमालेको उपाध्यक्ष पाँच जना विजयी भएका छन् ।

पदाधिकारी तहको सार्बजनिक भएको मतगणनाको नतिजा अनुसार उपाध्यक्षमा पृथ्वीसुब्बा गुरुङले सबैभन्दा बढी मत प्राप्त गरेर विजयी भएका छन् । 

गुरूङले सबैभन्दा बढी १७३७ मत प्राप्त गरेका छन् । त्यस्तै विष्णु पौडेलले १६७५ मत प्राप्त गरेका छन् भने रामबहादुर थापाले १५१६ मत, गोकर्ण विष्टले १३६८ र रघुजी पन्तले १२५८ मत प्राप्त गरेका छन् । उपाध्यक्षमा विजयी हुनेमा विष्ट ईश्वर पोखरेल पक्षका हुन् ।

नयाँ नेतृत्व चयनका लागि २ हजार २६३ प्रतिनिधि चयन भएकोमा २ हजार २२७ मत खसेको थियो । यस अनुसार ९८.२७ प्रतिशत मतदान भएको थियो ।