बालेन शाहलाई पितृ शोक

१५ मंसिर, काठमाडौं । काठमाडौं महानगरका मेयर बालेन शाहका बुवा रामनारायण शाहको निधन भएको छ । उनको सिभिल अस्पतालमा उपचारको क्रममा सोमबार बिहान निधन भएको हो । 

उनलाई आइतबार बिहान नयाँ बानेश्वरस्थित सिभिल अस्पताल भर्ना भएका थिए । उनको भेन्टिलेटरमा राखेर उपचार भइरहेको थियो । उनको पिसाबमा संक्रमण भएर शरीरमा फैलिएको बताइएको छ ।

शाहलाई भेट्न सोमबार बिहान प्रधानमन्त्री सुशीला कार्की पनि पुगेकी थिइन् ।

शाहका श्रीमती, दुई छोरा र एक छोरी छन् ।

(यस समाचारमा यसअघि असावधानीवश गलत तस्बिर प्रयोग भएकाले सच्याइएको छ । गलत तस्बिर प्रयोग भएकोमा हामी क्षमाप्रार्थी छौँ – सम्पादक)