जेनजीलाई मन्त्री पुनको प्रश्न- अहिलेको परिस्थितिमा सिंहदरवार घेरेर मात्र देश विकास हुँदैन भन्ने कुरा खोइ त बुझेको ?

१० मंसिर, काठमाडौं ।  शिक्षामन्त्री महावीर पुनले सिंहदरवार घेरेर मात्र देश विकास हुँदैन भन्ने कुरा युवाहरुले नबुझेको टिप्पणी गरेका छन् ।

सामाजिक सञ्जालमा लेख्दै मन्त्री पुनले अहिलेको परिस्थितिमा सिंहदरवार घेरेर मात्र देश विकास हुँदैन भन्ने कुरा युवाहरुले नबुझेको भन्दै अहिलको युवा पुस्तासहित भावी पुस्ताहरुको भविष्य उज्ववल बनाउने एउटै मात्र बाटो भनेकै फाल्गुन २१ गतेको आम चुनावमा धेरै भन्दा धेरै युवा नेताहरुलाई जिताएर बुढा नेताहरूलाई बिदा गर्नु भएको बताएका छन् ।

उनले भनेका छन्:

अहिलेको परिस्थितिमा सिंहदरवार घेरेर मात्र देश विकास हुँदैन भन्ने कुरा युवाहरुले खोइ त बुझेको ? अहिलको युवा पुस्तासहित भावी पुस्ताहरुको भविष्य उज्ववल बनाउने एउटै मात्र बाटो भनेकै फाल्गुन २१ गतेको आम चुनावमा धेरै भन्दा धेरै युवा नेताहरुलाई जिताएर बुढा नेताहरूलाई बिदा गर्नु हो । बुढा नेताहरु लोभीपापी र स्वार्थी समुहहरुले घेरिएका रहेछन्, जसले देशको संयन्त्रहरु बर्बाद गरिरहेका छन् । अनि देश कसरी बन्छ ? कि त अन्तिम उपाय भनेको पुर्ण क्रान्ति हो ।