सुनको भाउमा कीर्तिमानी उछाल : तोलामै दुई लाख ३३ हजार नाघ्यो

काठमाडौं । नेपाली बजारमा सोमबार सुनचाँदीको मूल्यमा उल्लेख्य वृद्धि भएको छ। नेपाल सुनचाँदी महासंघका अनुसार आइतबारको तुलनामा सोमबार सुन प्रतितोला २ हजार ५ सय रुपैयाँ र चाँदी ३० रुपैयाँले बढेको हो।

बढेको दरअनुसार सोमबार छापावाला सुन प्रतितोला दुई लाख ३३ हजार एक सय रुपैयाँमा कारोबार भइरहेको छ। आइतबार सुन प्रतितोला दुई लाख ३० हजार छ सय रुपैयाँमा कारोबार भएको थियो।

दशैँअघि सुन प्रतितोला दुई लाख २३ हजार दुई सय रुपैयाँमा कारोबार हुँदै आएकोमा दशैँ सकिँदा तोलामा करिब ९ हजार ९ सय रुपैयाँले मूल्य वृद्धि भएको महासंघले जनाएको छ।

त्यस्तै, चाँदीको मूल्य पनि वृद्धि हुँदै सोमबार प्रतितोला दुई हजार ९६० रुपैयाँ पुगेको छ। आइतबार चाँदी प्रतितोला दुई हजार ९३० रुपैयाँमा कारोबार भएको थियो।