माबिलुङ इनर्जीको आईपीओ बाँडफाँट: यसरी हेर्नुहोस् नतिजा

माबिलुङ इनर्जी लिमिटेडको प्राथमिक सेयर (IPO) बाँडफाँट आइतबार सम्पन्न भएको छ। बिक्री प्रबन्धक लक्ष्मी सनराइज क्यापिटलले औपचारिक कार्यक्रममार्फत नतिजा सार्वजनिक गरेको हो। कम्पनीको आईपीओ साउन २६ देखि २९ गतेसम्म खुला गरिएको थियो।

उक्त अवधिमा कुल २२ लाख ५ हजार ८७१ आवेदन प्राप्त भए पनि ८ हजार २८९ आवेदन विभिन्न कारणले रद्द गरिएका छन्। बाँकी २१ लाख ९७ हजार ५८२ स्वीकृत आवेदनमध्ये केवल ५.६८ प्रतिशतले सेयर प्राप्त गरेका छन्। बाँकी ९४.३२ प्रतिशत लगानीकर्ताको हात खाली रह्यो।

नतिजाअनुसार १ लाख २४ हजार ८९० जनाले सेयर प्राप्त गरेका छन्। तीमध्ये १ लाख २४ हजार ८८६ जनाले १० कित्ताका दरले सेयर पाएका छन् भने ४ जनाले ११ कित्ताका दरले सेयर प्राप्त गरेका छन्।

Check IPO Result of Mabilung Energy