सुन र चाँदीको मूल्य बढ्याे

भदौ ५ गते, काठमाडौं । नेपाली बजारमा आज सुन र चाँदी दुबैको मूल्य बढेको छ।  नेपाल सुनचाँदी व्यवसायी महासंघका अनुसार, बिहीबार छापावाल सुनको मूल्य प्रतितोला १,३०० रुपैयाँले बढेर १ लाख ९४ हजार ८०० रुपैयाँ पुगेको छ। अघिल्लो दिन अर्थात् बुधबार सुन प्रतितोला १ लाख ९३ हजार ५०० रुपैयाँमा कारोबार भएको थियो।

त्यस्तै, चाँदीको मूल्य पनि ३५ रुपैयाँ  बढेर तोलामा २ हजार २९० रुपैयाँ पुगेको छ। अघिल्लो दिन चाँदी प्रतितोला २ हजार २५५ रुपैयाँमा कारोबार भएको थियो।