दुई दिनको अन्तरालमा सुन प्रतितोला २८ सय रुपैयाँले घट्यो

काठमाडौं, ४ भदौ । नेपाली बजारमा सुन र चाँदीको मूल्य लगातार घट्दै गएको छ। दुई दिनको अन्तरालमा मात्र सुन प्रतितोला २८ सय रुपैयाँले घटेको छ।

नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला १ लाख ९३ हजार ५०० रुपैयाँमा कारोबार भइरहेको छ। मंगलबार प्रतितोला १२ सय रुपैयाँले घटेको सुन बुधबार थप १६ सय रुपैयाँले घट्दै हालको मूल्यमा पुगेको हो।

यसअघि सोमबार सुन प्रतितोला १ लाख ९६ हजार ३०० रुपैयाँमा कारोबार भएको थियो भने मंगलबार १ लाख ९५ हजार १०० रुपैयाँमा झरेको थियो।

सुनसँगै चाँदीको मूल्य पनि ओरालो लागेको छ। मंगलबार प्रतितोला २ हजार ३०० रुपैयाँमा कारोबार भएको चाँदी बुधबार ४५ रुपैयाँले घट्दै प्रतितोला २ हजार २५५ रुपैयाँमा झरेको महासंघले जनाएको छ।