भदौ २ गते सुन ८०० रुपैयाँले र चाँदी ५ रुपैयाँले बढ्यो

काठमाण्डौ । सोमबार (भदौ २ गते) स्थानीय बजारमा सुन र चाँदी दुवैको मूल्यमा वृद्धि भएको छ।

नेपाल सुनचाँदी व्यवसायी महासंघका अनुसार, आज छापावाल सुन प्रतितोला ८०० रुपैयाँले बढेर १ लाख ९६ हजार ३०० रुपैयाँमा कारोबार भइरहेको छ।

अघिल्लो दिन अर्थात आइतबार सुन प्रतितोला १ लाख ९५ हजार ५०० रुपैयाँमा कारोबार भएको थियो।

गत आइतबार सुनको मूल्य ७ सय रुपैयाँले घटेको थियो भने आज फेरि बढेको हो। सुनसँगै चाँदीको मूल्यमा पनि सामान्य वृद्धि भएको छ।

आजको बजारमा चाँदी प्रतितोला ५ रुपैयाँले बढ्दै २ हजार ३१५ रुपैयाँमा पुगेको छ, जुन अघिल्लो दिन २ हजार ३१० रुपैयाँ थियो।