माफ गर्नुहोस्, अहिले यो सुविधा उपलब्ध छैन: एनआईसी एशिया क्यापिटल

काठमाडौं — एनआईसी एशिया क्यापिटलको आधिकारिक वेबसाइटमा उल्लेख गरिएको टोल फ्री नम्बर १६६० ११ २२२२२ मा सम्पर्क गर्न खोज्दा "माफ गर्नुहोस्, अहिले यो सुविधा उपलब्ध छैन" भन्ने सन्देश प्राप्त हुने गरेको छ। लगानीकर्ताहरूले यसबारे गुनासो गर्दै सेवा अवरुद्ध भएको विषयमा गम्भीर ध्यान दिनुपर्ने माग गरेका छन्।

लगानीसम्बन्धी विभिन्न जिज्ञासा र समस्या लिएर सम्पर्क गर्न खोज्दा टोल फ्री नम्बर बन्द रहेको र अन्य सम्पर्क नम्बरहरू समेत व्यस्त रहने गरेको अनुभव सेवाग्राहीहरूले साझा गरेका छन्। यसले समयमै जानकारी प्राप्त गर्न कठिनाइ भएको देखिन्छ।

एनआईसी एशिया क्यापिटलले फोन नचल्नुको कारणबारे स्पष्ट जानकारी नपाएको जनाउँदै "हामीलाई थाहा छैन, के कारणले फोन लागिरहेको छैन" भन्ने प्रतिक्रिया दिएको छ। यसले देखाउँछ कि फोन सेवा अवरुद्ध भएको विषयमा कम्पनी स्वयं अनभिज्ञ रहेको छ।

सेवाग्राहीहरूको सुविधाका लागि टोल फ्री सेवा उपलब्ध गराइने गरिन्छ ताकि लामो समयसम्म कुरेर पनि ग्राहकले अतिरिक्त खर्च बेहोर्नु नपरोस्। यस्तो सेवा नै बन्द हुनु कम्पनीको गम्भीर लापरवाहीको संकेत हो भन्ने धारणा लगानीकर्ताहरूले व्यक्त गरेका छन्।

अपडेट

हाल एनआईसी एशिया क्यापिटलले गुनासोहरूलाई मध्यनजर गर्दै टेलिफोन सेवा सुचारु गरेको छ।