सुनको मूल्य बढ्यो, कतिमा हुँदैछ कारोबार ?

काठमाडौँ, असार ८ – नेपाली बजारमा आइतबार सुन र चाँदी दुबैको मूल्यमा वृद्धि भएको छ।

नेपाल सुनचाँदी व्यवसायी महासंघका अनुसार, आइतबार छापावाल सुन प्रतितोला ५०० रुपैयाँले बढेर १ लाख ९५ हजार २०० रुपैयाँमा कारोबार भइरहेको छ। गत शुक्रबार यो मूल्य १ लाख ९४ हजार ७०० रुपैयाँ थियो।

यस्तै, चाँदीको मूल्य पनि तोलामा १० रुपैयाँले वृद्धि भएको छ। अहिले चाँदी प्रतितोला २ हजार १६० रुपैयाँमा कारोबार भइरहेको छ, जुन शुक्रबार २ हजार १५० रुपैयाँ थियो।

पछिल्ला केही दिनदेखि घटबढ भइरहेको सुनचाँदीको मूल्य आइतबार पुनः बढेको देखिएको छ। बजार विश्लेषकहरूका अनुसार अन्तर्राष्ट्रिय बजारको प्रभाव र आयात-निर्यात सम्बन्धी स्थितिका कारण मूल्यमा उतारचढाव भइरहने गरेको छ।