७ सय रुपैयाँले घट्यो सुनको भाउ, कतिमा हुँदैछ कारोबार ?

काठमाडौं, १२ जेठ ।  आज सोमबार नेपाली बजारमा सुनको मूल्य घटेको छ भने चाँदीको मूल्य यथावत् रहेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ७ सय रुपैयाँले घटेर १ लाख ९१ हजार १ सय रुपैयाँमा झरेको छ।

अघिल्लो दिन आइतबार भने सुनको मूल्य ४ सय रुपैयाँले बढ्दै १ लाख ९१ हजार ८ सय रुपैयाँमा कारोबार भएको थियो।

यसैबीच, चाँदीको मूल्यमा भने कुनै परिवर्तन आएको छैन। आइतबार प्रतितोला २ हजार ५ सय रुपैयाँमा कारोबार भएको चाँदी आज पनि सोही मूल्यमा किनबेच भइरहेको महासंघले जनाएको छ।