डा. विश्वनाथ पौडेलको गभर्नर नियुक्ति विरुद्ध सर्वोच्चमा रिट दायर

काठमाडौं, ९ जेठ । नेपाल राष्ट्र बैंकका नवनियुक्त गभर्नर डा. विश्वनाथ पौडेलको नियुक्ति विरुद्ध सर्वोच्च अदालतमा उजुरी परेको छ। अधिवक्ता अनन्तराज लुईंटेल, प्रतिभा उप्रेती र विशाल थापाले पौडेल गभर्नर बन्न योग्य नभएको र नियमविपरीत नियुक्त गरिएको भन्दै रिट दायर गरेका हुन्।

उनीहरूका अनुसार, उक्त निर्णय सरकारले प्रक्रिया मिच्दै गरेको छ र नियुक्ति खारेज हुनुपर्छ भन्ने मागसहित रिट पेश गरिएको हो।

साथै, सरकारले जेठ ६ गते गरेको नियुक्ति बदर गर्न माग गरिएको छ। रिट निवेदनमा सरकार र छनोट समितिलाई विपक्षी बनाइएको छ।

डा. पौडेललाई केही दिनअघि मात्रै सरकारले राष्ट्र बैंकको गभर्नरमा नियुक्त गरेको थियो। उनी राष्ट्रिय योजना आयोगका पूर्व उपाध्यक्षसमेत हुन्।