ग्वान्टानामो खाडीमा आप्रवासी राख्दा दैनिक १ कराेड ३७ लाख डलर खर्च, ट्रम्पको आलोचना

वासिंगटन डिसी, ८ बैशाख । डोनाल्ड ट्रम्प अहिले अमेरिकामा शासन गरिरहेका छन्, हरेक दिन नयाँ नयाँ निर्णय गरेर उनले विश्वलाई नै तरंगित बनाईरहेका छन् । 

राष्ट्रपति बनेदेखि डोनाल्ड ट्रम्पले एकपछि टयारिफ होस वा आप्रावासी निष्काषनसहित द्रुत निर्णय लिइरहेका छन् । यसैबीच अमेरिकाको ग्वान्टानामो खाडीबाट एउटा अचम्मको खबर बाहिर आएको छ। तर, केही निर्णयले भने अमेरिकालाई अनावश्यक आर्थिक भार परिरहेको छ ।

जस अनुसार ट्रम्पको हिरासतमा रहेको नौसेना आधारमा बस्ने प्रत्येक व्यक्तिका लागि अमेरिकाको करोडौं रुपैयाँ खर्च हुने बताइएको छ । सिनेटर ग्यारी पिटर्सले सुनुवाइका क्रममा नौसेना आधारमा बस्ने आप्रवासीहरूको लागत करोडौं रहेको बताएका हुन् । यस्तो अवस्थामा आप्रवासीहरूलाई नौसेना आधारमा राख्नु ट्रम्पका लागि महँगो साबित भएको छ । किनभने, यसरी राख्दा दैनिक १ कराेड ३७ लाख नेपाली रूपैयाँ बराबर खर्च भइरहेकाे छ ।

पिटर्सले भने, ‘हामी कसैलाई ग्वान्टानामोमा राख्नको लागि प्रति दिन १ लाख डलर खर्च गर्दैछौं। हामी तिनीहरूलाई केही समयको लागि त्यहाँ राख्छौं, त्यसपछि हामी तिनीहरूलाई संयुक्त राज्य अमेरिका लैजान्छौं, हामी तिनीहरूलाई अमेरिकामा दिनको जम्मा १६५ अमेरिकन डलरमा पनि राख्न सक्छौं तर मलाई लाग्छ उता लगेर राख्नु अमेरिकाको ठूलो अपमान हो।’ अमेरिकी अधिकारीका अनुसार अहिले त्यहाँ करिब ७० आप्रवासी हिरासतमा रहेका छन्।

उता, अमेरिकन सिभिल लिबर्टीज युनियन (एसीएलयु) ले १० आप्रवासीहरूलाई आधारमा स्थानान्तरण गर्नबाट रोक्न मार्चमा मुद्दा दायर गरेको थियो। मुद्दामा एसीएलयुले ग्वान्टानामोमा आप्रवासीहरूलाई दिनको कम्तिमा २३ घण्टा झ्यालविहीन कोठामा राखिएको आरोप लगाएको छ। उनीहरूलाई स्ट्रिप गरिएको थियो र उनीहरूका परिवारका सदस्यहरूसँग सम्पर्क गर्न समेत दिइएको थिएनन । एसीएलयुका अनुसार केही कैदीबन्दीले आफुमाथी निकै अपमानजनक भएको भन्दै आत्महत्याको प्रयाससमेत गरेका थिए ।