रवि लामिछानेको मुद्दामा आजको सुनुवाइ स्थगित

काठमाडौं, ७ जेठ । राष्ट्रिय स्वतन्त्र पार्टी (रास्वपा)का सभापति रवि लामिछानेसम्बन्धी मुद्दाको सुनुवाइ आज स्थगित भएको छ। 

मंगलबार सर्वोच्च अदालतमा न्यायाधीश नहकुल सुवेदी र बालकृष्ण ढकालको संयुक्त इजलासमा सुरु भएको बहस नसकिएपछि मुद्दा हेर्दाहेर्दैमा राखिएको थियो।

आज एक न्यायाधीश उपलब्ध नहुने भएपछि सुनवाइ स्थगित गरिएको हो ।

बुधबार न्यायाधीश नहकुल सुवेदी संवैधानिक इजलासमा बस्नुपर्ने भएकाले आजको सुनुवाइ हुन नसकेको अधिवक्ता डा. नारायणदत्त कँडेलले जानकारी दिएका छन्।