सुनको मूल्यमा भारी गिरावट, एकैदिन तोलामा ३७०० रुपैयाँले घट्यो

काठमाडौं, २९ बैशाख ।  नेपाली बजारमा आज सुनको मूल्यमा ठूलो गिरावट आएको छ। नेपाल सुनचाँदी व्यवसायी महासंघका अनुसार सोमबार छापावाल सुनको मूल्य प्रतितोला ३ हजार ७ सय रुपैयाँले घटेर १ लाख ८६ हजार ८ सय रुपैयाँमा कारोबार भइरहेको छ।

हिजो आइतबार छापावाल सुनको मूल्य प्रतितोला १ लाख ९० हजार ५ सय रुपैयाँ रहेको थियो।

यस्तै, आज चाँदीको मूल्य पनि घटेको छ। महासंघका अनुसार चाँदीको मूल्य १० रुपैयाँले घटेर प्रतितोला १ हजार ९ सय ६० रुपैयाँ कायम भएको छ।

सुनचाँदीको मूल्यमा आएको यस्तो गिरावट पछिल्लो समयको उल्लेखनीय परिवर्तनको रूपमा हेरिएको छ।