नेष्डो समृद्ध लघुवित्तले १५ प्रतिशत लाभांश प्रस्ताव

काठमाडौं, ३ पुस । नेष्डो समृद्ध लघुवित्त वित्तीय संस्था लिमिटेडका सेयरधनीहरुले गत आर्थिक वर्षको नाफाबाट कुल १५ प्रतिशत लाभांश पाउने भएका छन्। पुस २ गते बसेको सञ्चालक समितिको बैठकले हाल कायम चुक्ता पूँजीको १४.२५ प्रतिशत बोनस सेयर र कर प्रयोजनका लागि ०.७५ प्रतिशत नगद लाभांश वितरण गर्ने प्रस्ताव गरेको छ।  

यो प्रस्ताव नेपाल राष्ट्र बैंकको स्वीकृति र संस्थाको आगामी वार्षिक साधारण सभाबाट पारित भएपछि मात्र कार्यान्वयनमा आउनेछ।  

यसअघि, संस्थाले आर्थिक वर्ष २०७८/७९ को नाफाबाट पनि १५ प्रतिशत नगद लाभांश वितरण गरेको थियो।