दोहोरो अङ्कले बढ्यो नेप्से
![post-image](https://cdn.arthakendra.com/images/2024/03/18/101337-nepse-increased.jpg)
काठमाडौँ । नेप्से परिसूचक आज दोहोरो अङ्कले बढेको छ । आज नेप्से परिसूचक १५. ४६ अङ्कले बढेर दुई हजार ११९. ६९ अङ्कमा रोकिएको हो ।
आज ३१३ कम्पनीको दुई करोड २१ लाख ६७ हजार ६७९ कित्ता शेयर ८४ हजार १२६ पटक खरिदबिक्री हुँदा छ अर्ब ४८ करोड २५ लाख ४६ हजार ९८० बराबरको कारोबार भएको छ ।
आज वित्त समूह ०.५९ र उत्पादन तथा प्रशोधन समूह ०. १५ प्रतिशतले घटेको छ भने अरु सबै समूहको उपसूचक बढेको छ । सबैभन्दा धेरै विकास बैंक समूहको उपसूचक ३. ४३ प्रतिशतले बढेको छ । त्यस्तै बैंकिङ ०. ४८, होटल तथा पर्यटन १. ७५, जलविद्युत् ०. २२, लगानी १. ८९ र जीवन बीमा १. ९७ प्रतिशतले बढेको छ । त्यसैगरी, लघुवित्त ०. २१, म्युचुअल फन्ड ०. २४, निर्जीवन बीमा ०. ५८, व्यापार ०. ४८ र व्यापार समूह ०. १५ प्रतिशतले बढेको छ ।
त्यसैगरी आज आँखुखोला जलविद्युत् कम्पनी लिमिटेडको शेयर मूल्यमा आज सकारात्मक सर्किट लागेको छ । सबैभन्दा धेरै गुमाउनेमा भने दोर्दीखोला जलविद्युत् कम्पनी लिमिटेडको शेयर मूल्य ४. ७५ प्रतिशतले घटेको छ ।
कारोबार रकमका आधारमा आज सबैभन्दा धेरै एनआरएन इन्फ्रास्ट्रक्चर एण्ड डेभलपमेन्ट लिमिटेडको ३० करोड ९ लाख ४ हजार ६९४ बराबरको कारोबार भएको छ ।