ब्रोकरले दुःख दिएर हैरान हुनुभयो? यसरी गर्नुहोस सेबोनमा (SEBON) उजुरी

Artha Kendra Artha Kendra
सोमबार, २२ माघ २०८०, ३:३८ PM
post-image

पछिल्लो समय शेयर सँग सम्बन्धित सामाजिक सञ्जाल पेज तथा ग्रुपमा सर्वाधिक चर्चामा आउने विषय हो ब्रोकरले दिएको सास्ती र कसरी उजुरी गर्ने भन्ने । लगानीकर्ता ले हामीलाई अत्यधिक गुनासो गरेपछि हामीले नेप्सेका सूचना अधिकृत मुरहरी पराजुलीलाई कसरी उजुरी गर्न सकिन्छ भनेर सोधेका थियौ।

त्यसै अनुसार हामीले नेप्सेको ईमेल लगानीकर्तालाई उपलब्ध गराएका थियौं। भोलिपल्ट हामीले सूचना अधिकृतलाई सम्पर्क गरेर कति ईमेल आयो भनेर प्रश्न गर्दा, जम्मा ४ ओटा ईमेलमात्र वास्तविक (Genuine) देखिएको र बाँकी सबै नक्कली (Fake) रहेको जानकारी गराउनु भयो। के आधारमा सक्कली र नक्कली छुट्टयाउनु भनेर सोध्दा त्यति प्रष्ट उत्तर आएन। धेरैको ईमेल लेख्ने ढाँचा (Format) नमिलेको जानकारी आयो। तर ईमेल भने अत्याधिक मात्रामा आएको र पूर्ण विवरण खुलाएर लेखेको नहुनाले हामीले ब्रोकरलाई कारबाही गर्न नसकिने बताउनु भयो। यदि ढाँचा मिलेको थिएन भने कतिजनालाई यसरी लेख्नुहोस् भनेर जवाफी ईमेल पठाउनु भयो त्यो उहाँलाई नै थाहा होला।

आजको यो समाचार हामीले कस्तो ढाँचामा ईमेल लेख्यो भने त्यसलाई वास्तविक ईमेल मानिन्छ भनेर लेखेको छौं।

गुनासो नेप्से तथा सेबोन दुवैमा गर्न सकिन्छ। मुरहरि पराजुलीका अनुसार नेप्से मा ईमेल पठाउँदा कुन ब्रोकर र कुन कारोबार नम्बर काे भुक्तानी नभएको हो त्यो प्रष्ट खुलाउनु पर्ने जानकारी गराउनु भयो। उहाँका अनुसार ढिला भुक्तानी भयो भनेर नेप्सेमा गुनासो गर्नु भन्दा ब्रोकर अकाउन्ट बनाउने समयमानै सम्झौता पत्रमा कति दिन भित्र भुक्तानी गर्नु पर्ने भन्ने खुलाएर सम्झौता गरेमा लगानीकर्ता आफ्नो तर्फबाट कानुनीरुपमा बलियो हुने बताउनु भयो। 

समयमा भुक्तानी नभएको खण्डमा नेप्सेमा कस्तो ईमेल पठाउने, त्यसको ढाँचा तल दिएको छ।

नोट: माथि दिएको ईमेल काे ढाँचा उदाहरण मात्र हो, आफूलाई जस्तो समस्या परेको छ, त्यसै अनुसार ईमेल लेख्नु हुन अनुरोध गरिन्छ।
यो पोस्ट पढेपछि तपाईलाई कस्तो लाग्यो?

टिप्पणीहरू

Comments

0 comments · join the conversation

No comments yet

Be the first to share your thoughts.

}